Një aksident tragjik ndodhi mëngjesin e së hënës në autostradën gjermane në Dunningen, i cili mori jetën e tre shtetasve kosovarë. Valon Memaj 26-vjeçar nga komuna e Deçanit dhe vajza e tij 5-vjeçare Luisë Memaj, humbën jetën në vendngjarje, por vajza tjetër Albina 3-vjeçare kishte mbetur e lënduar rëndë.
Ndonëse u tha e ajo kaloi me sukses një operacion, ajo nuk ka mundur t’u rezistojë plagëve të rënda, dhe ka ndërruar jetë mbrëmë në spitalin universitar në Freiburg.
Lajmin e ka bërë publik një faqe në Facebook e Deçanit, e cila shkruan:
Të nderuar qytetarë të Deçanit!
Të gjithë keni dëgjuar lajmin e kobshëm e tepër të dhimbshëm, për aksidenti e rënd të ndodhur pardje me 16. 07. 18. në Dunningen të Gjermanisë, në rrugën Nr: B 462, pas një aksidenti të rëndë në komunikacion, kanë humbur jetën shoferi i makinës BMW, 26 vjeçari Valon Memaj nga fshati Llukë e Epërme e Deçanit, e bija e tij 5 vjeçe Luisë Memaj.
Edhe Albina e vogël mbrëmë e humbi betejën, nuk iu rezistoi lëndimeve të renda. Tre engjëj do kthehen në arkivole në Kosovën nënë.
Ngushëllime familjes Memaj.
Lutemi që Zoti i plotfuqishëm t’i dërgojë në Xhenet!
AMIN.
