Protesta e Partisë Demokratike e cila pritet të nisë në orën 12:00, ka mobilizuar Policinë e Shtetit, e cila ka ‘blinduar’ kryeqytetin. ‘BalkanWeb’ mëson se RENEA ka ‘zbarkuar’ në Kryeministri, ndërsa në tarracë janë parë shumë prej efektivëve që mbikëqyrin situatën. Forca të mëdha policore janë pozicionuar dhe pas Kryeministrisë, pranë Piramidës.
Ndërkohë, në pritje të protestuesve dhe kreut të PD-së është përgatitur një podium, ku pas tij qëndron dhe motoja e protestës “Të ngrihemi sëbashu”, pas të cilit qëndron një flamur gjigant kuq e zi. Dje burime nga policia pohuan që mund të ketë skenar për të provokuar forcat e rendit dhe të ketë përplasje.
Masat e policisë do të jenë të ngjashme me protestat e mëparshme, ndërsa priten rreth 2000 forca policie nga komisariatet; Njësia Shqiponja, Forcat Operacionale dhe ato të Ndërhyrjes së Shpejtë.
