Lil Wayne, një nga reperët më të famshëm amerikanë është dërguar mbrëmjen e djeshme me urgjencë në spital. Tmz shkruan se reperi 34-vjeçar është gjetur pa ndjenja në një dhomë hoteli në Çikago.
Menaxheri i këngëtarit konfirmoi për Tmz se ai vuante nga komplikacione të shumta dhe se kjo nuk është hera e parë që ai gjendet pa ndjenja.
Kujtojmë se katër vjet më parë Lil Wayne, emri i të cilit është Dwayne Michael Carter Jr, kaloi disa ditë në spitalin e Los Anxhelosit pasi u gjet pa ndjenja në ambientet e një televizioni.
Lil Wayne, është një nga emrat më të suksesshëm në skenën muzikore, i cili karrierën e tij si këngëtar e nisi rreth dy dekada më parë.
