Vijon dominimi i kthjellimeve të shkurtra dhe vranësirave të shpeshta në të gjithë territorin shqiptar duke gjeneruar shira të përkohshme në ekstremet Veri – Jug.

Pasditja mbetet në kushtet e vranësirave të shpeshta me shira të dobëta në zonat Veriore, ndërsa shira të izoluara pritet të bien në zonat Lindore dhe pjesërisht në Qendër.

Sipas "MeteoAlb", temperaturat e ajrit sjellin një rritje të lehtë në të dy ekstremumet termike të ditës duke bërë që maksimumi të ngjitet sërisht deri në 17 – 18°C.

Era do të fryjë mesatare deri e fortë, me shpejtësi 55 km/h nga drejtimi Jugperëndimor dhe Jugor duke gjeneruar në det dallgëzim 4 ballë.