2 Janar 2015 – Autoriteti Rrugor Shqiptar dhe Drejtoria e Përgjithshme e Shërbimeve te Transportit Rrugor po ndjekin me kujdes situatën e akseve rrugore, kjo për shkak të reshjeve të dëborës që kanë rënë gjatë ditëve të fundit.

Në disa zona të vendit vazhdon të ketë vështirësi në qarkullim për shkak të motit të keq dhe temperaturave të ulëta.    

Behet me dije se deri në orën 17:30 situata e kalushmërisë së akseve rrugore ne Qarqet e  vendit paraqitet si më poshtë:   

Tiranë  

Në akset Trau Dajt-Qafë Mollë-Bizë; Trau Dajt-Antena; Qafë Priskë-Shëngjergj ka ngrica në rrugë dhe bëhet spërkatja me kripë. Qarkullimi rekomandohet të kryhet me zinxhirë.  

Durrës  

Nuk ka probleme në akset e këtij qarku, por rekomandohet të bëhet kujdes në qarkullim, pasi ka trafik në akset rrugore.  

Elbasan  

Aksi  Librazhd-Steblevë është i hapur. Aksi Elbasan-Gjinar ka prani ngricash në rrugë. Rekomandohen zinxhirët për shkak të ngricave në aksin Elbasan-Gjinar, dhe të evitohen parakalimet në vendin ku rruga ngushtohet.  

Berat  

Nuk ka probleme për qarkullimin e mjeteve. Të bëhet kujdes për shkak të fluksit të dendur të makinave.  

Vlorë  

Në Qafën e Llogorasë ka 20-30 cm borë. Po vazhdon pastrimi i rrugës dhe  hedhja e kripës. Qarkullimi duhet të kryhet me zinxhirë.  

Gjirokastër  

Ngrica vetëm në aksin Erind-Çajup. Ky aks po trajtohet me kripë. Rekomandohet kalimi me zinxhirë.  

Korçë  

Në aksin Pogradec-Qafe Thanë, kalimi bëhet pa zinxhirë. Aksi Qafë Thanë-Lin është i pastruar, në asfalt kalimi bëhet pa zinxhirë. Kalimi është i detyrueshëm me zinxhirë në aksin e Dardhës.  

Kukës  

Në km 26 deri tek Tunel Thirrë në zonën e Komunës Fan, pjesë e rrugës Rrrëshen-Tunel Thirre, ka rënie gurësh nga të dyja anët e rrugës si pasojë e shkrirjes së dëborës. Po bëhet pastrimi i tyre. Drejtuesit e automjeteve duhet të kenë kujdes të lëvizin me shpejtësi të ulët.   Kalimi në rrugën e Kombit, Tuneli- Kalimash-Kukës-Morinë pa zinxhirë.   Qarkullimi rekomandohet të bëhet me zinxhirë në disa segmente: Kukës-krume; Kukës-Draj, Rec; Domaj-Bushtricë; Kukës-Qafë Shllake; Kukës-Shishtavec (ura e Zapod) të Tropojës dhe Kukësit, për shkak të temperaturave shumë të ulëta.  

Dibër  

Vazhdon hedhja e kripës, për shkak të temperaturave shumë të ulëta gjatë natës.Qarkullimi rekomandohet  të kryhet me zinxhirë në akset Ura e Cerenecit-Stebleve, Qafë Bualli-Krastë; Muhurr-Qafë Draj dhe në segmentin Sllovë-Kalaja e Dodës.  

Shkodër  

Ka temperatura të ulëta. Në akset e Pukës dhe Malësisë së Madhe ka ngrica që po trajtohen me kripë. Aksi Qafe Mali-Flet, vazhdon të bllokohet herë pas here si pasojë e erës së fortë që e kthen borën në rrugë. Borëpastruesja dhe fadroma janë të instaluara në vend dhe bëjnë here pas here hapjen e rrugës. Qarkullimi në akset e Malësisë së Madhe dhe në aksin Qafë Mali-Flet rekomandohet të bëhet me zinxhirë.  

Fier  

Nuk ka probleme për qarkullimin. Të bëhet kujdes në lëvizje, për shkak të fluksit të madh të makinave në superstradën Fier-Lushnje.   

Lezhë  

Pothuaj gjithë akset qarkullohen pa zinxhirë. Rruga e Kombit është e hapur, Tuneli Kalimash-Kukës-Morinë pa zinxhirë, rekomandohet kalimi me zinxhirë edhe për akset Rrëshen-Qafë Bene dhe Shpal-Ura e Repsit.