Stafi i një restoranti irlandez është “hakmarrë” ndaj CEO-s së i Ryanair, Michael O’Leary. Satfi pasi kuptoi se mes klientevë ndodhej Ceo i linjës ajrore mendoi të shtonte disa gjëra ekstra në faturën e tij ashtu siç ndodh për pasagjerët e linjës.
Një tarifë shtesë për “hapësirë shtesë për këmbët” u vendos në faturën e tij, si dhe artikuj të tjerë shtesë për shërbime plus. Fotot u publikuan më pas nga vetë restoranti Luvida në Instagram dhe kjo shkaktoi komente nga ndjekësit.
Restoranti Luvida në Navan ka imituar me shaka kufizimet dhe listat e çmimeve të Ryanair, të njohur për tarifat e tyre shtesë për bagazhet dhe check-in. Faturës së O’Leary iu shtuan tarifa shtesë, duke përfshirë 7,95 euro për “hapësirë shtesë për këmbët”, 9,95 euro për “ulje me përparësi” dhe 19,95 euro për “ulje të rezervuara”. O’Leary pagoi rreth 40 euro më shumë për darkën e tij me karkaleca të grirë, kërpudha mbi bukë dhe levrek të larë me një shishe Pinot Grigio. Gjithsej ai pagoi 142,30 €.
“Faleminderit Michael O’Leary që zgjodhët të darkoni me ne sonte. Ishte kënaqësi t’ju prisnim. Shpresoj se nuk do t’ju shqetësojë nëse shtojmë disa tarifa shtesë në faturën tuaj për hapësirë shtesë për këmbët, ulëse me përparësi dhe rezervime në zona të qeta”, shkroi restoranti në Instagram.
