Këngëtarja e njohur Rezarta Shkurta ka vendosur të kthehet pas në kohë, që në fëmijërinë e saj të lumtur e me prapllëqe, adoleshencën me ambicie për të mbërritur në momentin kur realizoi ëndrrën e saj më të madhe, kur vuri gurin e parë të emrit të saj. Por sot, të gjitha këto sakrifica, këngëtares i duken asgjë përpara mrekullisë që mban emrin Hera. Rezi dhe Hera, së fundmi kanë realizuar një set fotografik për kompaninë që këngëtarja menaxhon, kompani e cila mban emrin e vajzës së saj.
“Kur i kthehem ne retrospektive jetes time, kujtoj me kënaqësi fëmijërine të mbushur me aq shumë prapllëqe, por në të njëjtën kohë me aq shumë lumturi. Më pas adoleshenca qe përtej shoqërive e dashuriçkave të moshës kryesonte ambicja. Një ambicje që do më shoqëronte gjatë për të bërë ëndrrat e mia realitet. Nuk vonoj gjatë por ama me shumë punë unë isha ajo që ëndërroja. Në një vend të vogël të varfër e të pa organizuar në fushën e artit si Shqiperia, me forcat e mia e ardhur nga një qytet tjetër dhe jo e lindur në kryeqytet (kush e ka provuar e di çdo të thotë) vura gurin e parë të emrit Rezarta Shkurta. Dikur më dukej sikur kisha kapur qiellin me dorë. Por sot më duket asgjë! Vetëm kur u bëra nënë kuptova se kjo ishte mrekullia, kjo ishte arritja më e madhe që mund të arrij gjithsecili nga ne.Dhe çdo problem minimizohet para kesaj mrekullie që është frymezimi më i madh për të bërë gjëra të mëdha, dhe për të çuar Hera Company aty ku unë synoj. Kemi hapa galopante për të bërë, personalisht mendoj se jam tek shkalla e parë”, ka shkruar Rezarta në postimin e saj në Instagram.
