Një 52-vjeçar është arrestuar nga policia e Gjirokastrës, pasi ka ushtruar dhunë ndaj vajzës së tij dhe bashkëjetueses.

Gjithashtu, 52-vjeçari ka thyer edhe urdhërin e mbrojtjes, që shtetaset e dhunuara ishin të pajisura nga gjykata.

NJOFTIMI I POLICISË:

Gjirokastër

Ushtroi dhunë ndaj bashkëshortes dhe vajzës së tij të mitur, vihet në pranga 52 vjeçari.

Specialistët e seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin A. D., 52 vjeç, banues në Gjirokastër, pasi ka ushtruar dhunë ndaj vajzës së tij të mitur dhe bashkëjetueses së tij, shtetases M. Ll., si dhe ka thyer urdhërin e mbrojtjes.

Materialet në ngarkim të shtetasit A. D. i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.