Ai do të mbajë një nga koncertet më madhështore në Tiranë, ku e ftuar speciale është këngëtarja shqiptare me famë botërore Inva Mula.
Por, për ta pasur atë në koncert, violinistit virtuoz i është dashur që t’ia “rrëmbejë nga duart” një drejtori nga Dubai.
I pyetur në “Xing me Ermalin” se si arriti të merrte Inva Mulën në koncertin e tij, Olen Çezari ka treguar se: “Isha në një darkë me Invën dhe duke biseduar i bie telefoni. Inva e pa dhe më tha duhet ta hap se është numër nga Dubai. Ishte Drejtori i Teatrit të Operas dhe Baletit në Dubai që i ofronte një koncert në datat që ishte parashikuar koncerti im. Kur e dëgjova i thashë prit dhe i mora telefonin dhe ia mbylla. Pastaj i tregova se kisha parashikuar unë një koncert. Kështu nisi”.
