Helikopteri i pronarit të Leicester Cityt u rrëzua mbi një parking automjetesh jashtë fushave sportive të klubit anglez, vetëm pak pasi ishte ngritur në fluturim për t’u larguar nga stadiumi, në përfundim të një ndeshjeje të Premier League.Vichai Srivaddhanaprabha ishte në bordin e helikopterit në çastin kur ndodhi aksidenti, në 20:30 të së shtunës me atë lokale, sipas asaj që kanë thënë burime pranë familjes së tij për BBC-në.
Një dëshmitar tha se kishte parë portierin e Leicester, Kasper Schmeichel që të dilte me vrap nga stadiumi në drejtim të vendit të aksidentit. Leicester barazoi 1-1 me West Ham United në stadiumin “King Power”, ndeshje që nisi më 17:30 dhe mbaroi rreth një orë përpara se helikopteri i pronarit të ngrihej në fluturim.
Nën drejtimin e miliarderit Srivaddhanaprabha, Leicester City fitoi titullin kampion në Premier League në vitin 2016, përkundër të gjitha parashikimeve të mundshme.Në orët e para të së dielës, një oficer i shërbimit zjarrfikës të Leicestershire tha se sapo kishte dalë nga një takim strategjik mes shumë agjencive. Ai e përshkroi përplasjen si “tragjike dhe serioze”, teksa kërkoi që të mos “spekulohej” mbi shkakun e rrëzimit apo personat e përfshirë në të.
“Ju lutem mos spekuloni, as për shkakun dhe as se kush është përfshirë. Mendoni për familjet e tyre, miqtë dhe të afërmit. Sigurisht mendoni edhe Leicesterin dhe tifozët”. Nuk ka ende informacione zyrtare në lidhje me aksidentin ku është përfshirë helikopteri i pronarit të Leicester City-t, të shtunën në në mbrëmje, rreth orës 21:30, pas ndeshjes me west Hamin, por fatkeqësisht nuk ka raportime pë të mbijetuar.
Burime pranë familjes konfirmojnë se Vichai Srivaddhanaprabha, pronar i Leicesterit dhe numri një i rrjetet “Duty-Free King Power” ishte në bord. Mësohet se janë 5 personat e përfshirë në aksident, dy pilotët,Srivaddhanaprabha dhe vajza e tij dhe një person tjetër. Që të gjithë kanë humbur jetën.
