Momente paniku gjatë garave të Kupës së Botës në ski në pistën italiane të Madonna di Campiglio-s. Gjatë zbritjes së dytë të skiatorit austriak Marcel Hirscher, droni që filmonte nga lart garuesit është rrëzuar në pistë. Për fat të mirë ai ka evituar përplasjen me kampionin austriak, teksa u rrëzua vetëm pak metra larg tij, ndërkohë që binte me shpejtësi nga lart.
Hirscher nuk pësoi asnjë dëmtim dhe e mbylli garën në vendin e dytë, por frika se droni mund ta godiste ishte e madhe, pasi edhe shpejtësia e zbritjes së skiatorit ishte e lartë.
