Trajneri i Kombëtares, Edi Reja është bërë sërish protagonist në sfidën e sotme ndaj Çekisë, teksa në minutën e 55-të takimit u rrëzua pas një shtyrje nga futbollisti i skuadrës vendase.

Pas disa momenteve tensioni në fushë, loja rinisi përsëri, por në rastin e një rivënie anësore futbollisti i Çekisë, Cufal shtyu trajnerin Reja i cili nga inercia u rrëzua në tokë.

I menjëhershëm ishte reagimi i stolit dhe i futbollistëve kuqezi të cilët i kërkuan llogari kundërshtarit për veprimin e bërë, po më pas gjithçka u shua nga gjyqtari i cili ndëshkoi me karton të verdhë Cufal.