Dhunohet një avokat nga Durrësi për shkak të detyrës.
Ngjarja ka ndodhur mbrëmë në darkë rreth orës 20:00 në lagjen nr. 11.
Autori është shtetasi M.B. 24 vjeç, banues në Borakë të Durrësit, i cili ka rrahur me grushte avokatin I.K. 36 vjeç, banues në Durrës.
Burime policore bëjnë me dije se autori ka qenë klienti i avokatit, dhe për shkak të disa mosmarrëveshjeve që kanë pasur në lidhje me çështjen gjyqësore të ndjekur nga ana e 36-vjeçarit, ka shërthyer debati i fortë, raporton “DurrësLajm”.
Autori ka qenë tepër i acaruar, dhe debati mes tyre ka degjeneruar në dhunë fizike. I riu ka nisur të godasë me grushte avokatin e tij.
Gjithçka ka ndodhur në rrugë, pranë godinës së Gjykatës. Menjëherë 24-vjeçari është larguar, ndërkohë që është shpallur në kërkim e po punohet për kapjen e tij.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Goditjet për shkak të detyrës”.
S.L.
