Rusia e ka njohur shtetin maqedonas nën emrin e ri kushtetues, Republika e Maqedonisë së Veriut, bëri të ditur sot Ministria e Punëve të Jashtme të Federatës Ruse.
Në kumtesën e MPJ-së ruse theksohet se më 18 mars në Ambasadën ruse në Shkup është marrë notë nga MPJ-ja jonë me të cilën njoftohet se emri zyrtar i shtetit është ndryshuar në Republika e Maqedonisë së Veriut.
“Federata ruse e ka njohur atë shtet nën emrin e ri kushtetues – Republika e Maqedonisë së Veriut”, theksohet në kumtesën e MPJ-së ruse.