Kryetarja e bashkisë së Durrësit, Emiriana Sako përmes një postimi në “Facebook”, bën me dije se vazhdon puna për rehabilitimin e pallateve me shkallë dëmi DS4.
Sako shkruan se janë 11 pallate ku po punohet për përforcimin dhe rikonstrukturimin e tyre, ndërsa 13 të tjerë janë në proces realizimi të garës.
Ndërkohë kryebashkiakja thotë se do të fillojë puna për riforcimin e 35 banesave individuale me shkallë dëmi DS4.
NJOFTIMI I POLTË I SAKOS:
Vazhdon puna për rehabilitimin e pallateve me shkallë dëmi DS4.
Janë 11 pallate ku punohet sipas projekteve përkatëse për përforcimin e tyre dhe rikonstruksionin si në ambientet e brendshme ashtu edhe në ato të jashtme duke garantuar standartet e duhura për banesa më të forta dhe më të sigurta se më parë.
Për 13 pallate të tjera është në proces realizimi i garës.
Ndërkaq pas miratimit në këshillin bashkiak do të fillojë puna për riforcimin e 35 banesave individuale që janë konstatuar me shkallë dëmi DS4.
