Policia e Librazhdit ka finalizuar me sukses operacionin antidrogë të koduar “Rrethi” duke bërë të mundur sekuestrimin e 9 kg kanabis, ndërsa ka arrestuar edhe 4 poseduesit e lëndës narkotike.
Në pranga kanë rënë:
Ali Face, 34 vjeç, banues në fshatin Gurrë Librazhd;
Besnik Bajrami, 31 vjeç, banues në fshatin Dragostunjë;
Astrit Zharri, 32 vjeç, banues në Gurrë Bërzeshtë;
Olsi Zharri, 32 vjeç banues në fshatin Bërzeshtë.
Arrestimi i tyre u bë në fshatin Qukës, në vendin e quajtur Zalli i Vlashit. Gjatë kontrollit policor, atyre iu u gjetën dhe iu sekuestruan 9 kg kanabis sativa dhe 3 aparate celular të markave të ndryshme.
Ndërkohë gjatë kontrollit të ushtruar në banesën e shtetasit Besnik Bajrami grupi hetimor gjeti dhe sekuestroi në cilësinë e provës materiale 8 copë fishekë model 56 kalibër 7.62 mm.
Nga ana e policisë vijojnë hetimet për identifikimin e bashkëpunëtorëve të tjerë të përfshirë në këtë aktivitet kriminal.
