Selena Gomez mund të jetë një nga njerëzit më të ndjekur në Instagram, por ajo ka qëndruar larg rrjeteve sociale prej disa vitesh. Ajo poston rrallë dhe në shumicën e rasteve është stafi i saj që publikon.
Së fundmi, Selena ka folur për momentin kur vendosi të ndalojë së përdoruri mediat sociale.
Në një intervistë me WWD, këngëtarja tregoi se kthesa erdhi tre vjet më parë, pjesërisht për shkak të nevojës së vazhdueshme për të qenë aktive gjatë gjithë kohës, breshërisë së informacionit, përqendrimit në jetën e saj personale dhe komenteve negative.
Selena tha se donte t’i fshinte profilet, por ekipi e këshilloi ndryshe.
“Unë jam e lumtur që nuk e bëra, sepse është një mënyrë kaq e mrekullueshme për të qëndruar të lidhur dhe kur e përdor, më bën të lumtur të di se jam plotësisht e sinqertë dhe duke qenë e vërtetë me atë që jam.”
Kur Selena dëshiron të postojë diçka, ajo ia dërgon një asistenti dhe ata e postojnë në profilet e saj.
Të jetosh një jetë kryesisht pa media sociale ka qenë diçka shumë e mirë për Selenën.
Gomez ka plot 268 milionë ndjekës, të cilët vazhdojnë ta mbështesin, edhe pse e dinë që ajo nuk poston vetë në rrjetet sociale.
