Këngëtarja Selena Gomez zbuloi se nuk mund të ketë fëmijë në një intervistë të re. Gomez, e cila u diagnostikua me lupus në vitin 2013 dhe iu transplantua veshka në 2017, vuri në dukje se ajo nuk e kishte thënë kurrë këtë publikisht më parë.
“Unë për fat të keq … kam shumë probleme mjekësore që do të rrezikonin jetën time dhe të foshnjës” shpjegoi aktorja për Vanity Fair në një kopertinë të botuar të hënën. “Kjo ishte diçka për të cilën duhej të vuaja për një kohë të gjatë.”
Megjithatë, ylli i “Only Murders in the Building” sqaroi: Më duket një bekim që ka njerëz të mrekullueshëm të gatshëm për të bërë surrogaci ose birësim, të cilat janë të dyja mundësi të mëdha për mua.
“Unë jam një nga ata njerëz që mezi po pret të bëhet nënë. Unë jam e emocionuar për atë se si do të duket ai udhëtim, por do të duket pak më ndryshe tek unë.” tha Gomez. “Në fund të ditës, nuk më intereson do të jetë i imi. Do të jetë fëmija im.”
Aktorja e “Wizards of Waverly Place” ka folur për planet e saj familjare në të kaluarën, duke thënë për revistën Time në maj se ajo kishte planifikuar gjithmonë të birësonte në moshën 35-vjeçare nëse do të ishte ende beqare. Gomez ka qenë në një lidhje me Benny Blancon që nga korriku 2023 dhe producenti diskografik tha së fundmi në “The Howard Stern Show” se dëshiron të ketë fëmijë me partneren e tij.
