Përmbytjet u kanë shkaktuar dëme shumë të mëdha fermerëve në Durrës. Serat në zonën e ish-Kënetës, Rrashbullit dhe Shkozetit janë nën ujë.
Fermërët thonë se kanalet e bllokuara kanë bërë që serat me prodhimet e stinës të dalin jashtë funksionit.
Deri tani askush nuk ka shkuar të verifikojë dëmet, ndërkohë që situata pritet të përkeqësohet nëse niveli i ujërave rritet edhe më tepër.
Siç shihet edhe nga pamjet filmike që sjell DurrësLajm, gjithçka është nën ujë duke u shkaktuar një dëm të konsiderueshëm financiar fermerëve durrsakë.
K.H.
