Politikani i njohur Dashamir Shehi i ftuar në "360 Gradë" në Ora News, tha se trupa e policisë nuk është në gjendje të luftojë krimin, duke shtuar se ministri i Brendshëm duhet të largohet për shkak të vëllait të tij.
Pjesë nga debatet:
Shehi: Policia është bërë një trupë problematike. Nuk është në gjendje ta bëjë detyrën. Ka vite kjo punë. Ai Tahiri nuk është se qe i rrezikshëm sepse thjesht la të mbillet drogë. Absolutisht kjo është kriminale, por sepse përdori policët për të numëruar drogën, për të numëruar parcelat, i bëri brigadierë. E përdori trupën e policisë në mënyrë kaq të hapur sa ka pasur shkelje kushtetuese të rënda. Nëse e mbani mend, policët kur u largua, policia doli me parullë me uniforma të policisë. Thua se kjo është policia e Partisë Socialiste. Në cilin shtet mund të ndodhi kjo?!
Trupa e policisë nuk është në gjendje më të përballet me krimin. Kush është ai shqiptar i varfër që kur të hedh në rrugë shteti, të marrë pushkën dhe t'i bie atij vrasësit që një natë përpara mund të ketë qenë duke ngrënë darkë me drejtorin e policisë, me zv/ministri, edhe me ministrin.
Ai ministri duhet të largohet,jo se është i pazoti, jo se mund ta shtyjë i vëllai për të qenë kriminal, mjafton edhe thjesht statusi që ty të ka rënë sepse ka humbur të drejtën të drejtojë detyrën institucionale.
