Dobësi dhe shenja ankthi, çfarë është “përgjumja pranverore” që na prek të gjithëve

07/04/2019 - 09:06

Kalimi nga stina e dimrit në atë të pranverës shkakton luhatje në gjendjen fizike, por edhe atë psikologjike të njerëzve. Mjekët specialistë japin këshilla për aktivitete fizike dhe ushqimet që duhet të konsumohen në këtë periudhë.

Rritja e temperaturave në Pranverë sjell një gjendje lodhje tek njerëzit, që shoqërohet me përgjumje ose konfuzion. Asgjë për t’u shqetësuar sipas mjekëve specialistë. Bëhet fjalë për reagime normale të organizmit të njeriut, të shkaktuara nga ndryshimi i stinëve.

Ariana Reli, mjeke psikiatre: “Ndryshimet stinore sjellin ndryshime të përshtatjes në organizëm. Pranvera njihet nga populli, ndërrimi i gjakut, çelin pemët dhe i bën njerëzit më apatikë, dobësi e përgjithshme në organizëm, shenjat e ankthit, përgjumje, tendencë për të hequr dorë nga aktivitetet. Në këtë sezon hasen shumë alergjitë”.
Po cilat janë grupmoshat që preken në mënyrë specifike? Duket se gjendja e përgjumjes pranverore ndikon tek një gjini e caktuar.

Ariana Reli, mjeke psikiatre: “Janë të ndjeshme të gjitha grupmoshat, por pengesën e ndjejnë më tepër moshat aktive, vuajnë më tepër femrat në raport 1 me 8, sepse femrat e verbalizojnë më tepër problematikën e tyre”.

Situata është kalimtare dhe njëlloj si stina ku ndodhemi, por ka disa këshilla se si mund ta kapërcejmë më lehtë, më kryesoret mënyra e ushqyerjes e aktiviteti fizik.

Ariana Reli, mjeke psikiatre: “Për ta kaluar sa më thjesht dhe pa shkuar te mjeku për medikamente, mirë është që të përdoret ushqim i shëndetshëm, aktivitet fizik, si dhe jeta sociale e cila do na mbajë larg kësaj gjendjeje që përpiqet të instalohet”. /abcnews.al

/portali DurresLajm/

Na bëni like në facebook!: 

Lajme nga e njëjta kategori

Puna me orë të gjata rrit rrezikun për goditje në zemër. Ky është përfundimi i një studimi të ri të Shoqatës Amerikane të Zemrës.

Celuliti ndodh kur indet në shtresën e lëkurës dobësohen dhe lejojnë formimin e depozitave dhjamore shumë pranë sipërfaqes së lëkurës.

Imagjinoni një situatë të tillë: Keni një takim shumë të rëndësishëm për pak, por keni një dhimbje koke të tmerrshme.

Eliminimi i zakoneve të këqija si fjetja me televizorin ndezur në dhomë, mund t’ju ndihmojë të humbni kilet e tepërta, sipas një studimi

Studimet shkencore, të cilave u referohet AgroWeb.org mbi ndikimin e stresit në organizëm, sugjerojnë se stresi është shkak por edhe paso

Një dozë dy orëshe në natyrë përmirëson në mënyrë domethënëse shëndetin dhe mirëqënien.

Gjendja shpirtërore ka lidhje të pashmangshme me ushqyerjen.

Bakteret “Gingivitis“ që gjenden në hapësirën e gojës dhe grykës mund të depërtojnë deri në tru.

Ndjehemi të lodhur, të zemëruar, të trishtuar dhe në një humor të keq dhe kjo na nxit të gjejmë ngushëllim në ushqim.

Tërshëra është një drith shumë i pasur me vitamina, minerale dhe fibër, tre përbërës kyç për një tretje të mirë.