Ka ndërruar jetë një 69-vjeçar nga Suhareka, i infektuar me koronavirus, njoftoi Qendra Klinike Universitare e Kosovës (QKUK).
I sëmuri, i cili është viktima e nëntë në Kosovë prej koronavirusit, ishte në mjekim intensiv në Klinikën Infektive të QKUK-së.
Aktualisht në Klinikën Infektive bëhet e ditur se janë duke u trajtuar 53 raste pozitive me koronavirus, 39 prej të cilave janë në gjendje stabile shëndetësore, ndërkohë që 12 raste janë në trajtim me oksigjenoterapi dhe përkujdesje intensive.
Tre pacientë mbesin në gjendje kritike, thuhet në njoftimin e QKUK-së shkruan REL.
Që nga shfaqja e rastit të parë në Kosovë, më 13 mars, 387 persona kanë dalë pozitivë në testin për koronavirus, ndërsa 69 kanë pasur sukses në shërim.
