Një shqiptar i burgosur në burgun toskan të Porto Azzurro-s në Itali, është sulmuar nga bashkëkombasit e tij.
Ngjarja ka ndodhur ditën e djeshme ku protagonistët kanë qenë të gjithë shqiptarë.
Mediat italiane raportojnë se në një aksion të mirëmenduar, ata iu sulën shqiptarit, identiteti i të cilit nuk bëhet i ditur, duke e goditur me një mjet të mprehtë në qafë, dhe duke i shkaktuar kështu plagë të rënda.
Fatmirësisht ndërhyrja e menjëhershme e forcave të sigurisë në burg, bënë që situata të mos përshkallëzonte më tej.
Kjo nuk është hera e parë që në këtë burg protagonistët e sherreve janë shqiptarët.
