DURRËS, 13 nëntor 2014 –  Skena aspak të bukura në Shtetet e Bashkuara të Amerikës dhe Kanada gjatë fundjavës së kampionatit të hokejit në akull. Në ndeshje të ndryshme ka pasur sherre masive mes lojtarëve ku grushtat janë shkëmbyer me shumicë. Sherret me grushta në hokej janë një traditë e vjetër e këtij sporti, sidomos në Amerikën Veriore. Ka sherre që janë spontane, por ka edhe të paramenduara. Arbitrat e tolerojnë këtë praktikë dhe ndëshkimet për lojtarët janë të papërfillshme.