“Shes një jastëk për 700 euro”

Nga Moza Demiri

Pse kjo lajthitje shkrimesh breshërie dhe habitje e madhe për ministren 700 euro nata vetëm për të ngulur kokën në jastek për 7 orë gjumë dhe pa mëshirë 700 euro që pa gdhirë përfundojnë në plehra (?!) ministria nuk mori vesh gjë, u gdhi u vesh dhe me nja 5000 euro të tjera, canta, kepucët, fustanet, parfumet, tualetet, ku rroga nuk j'a'u plotëson këto salltanete lluksoze, që në këtë moment, pa pasur nevoj për asnjë fakt tjetër, është e kompromentuar, e pabesushme dhe e pamoralshme për pozicionin që mban….dhe ajo që më bën përshtypje, është trashësia dhe mendësia e tyre e një niveli të ulët, të cilat nuk janë në gjëndje, të paktën mos të karshillohen, por t'i gëzohen këtyre vjedhjeve në vetmi ose me ndonjë të "besuar" rreth e rrotull.

Lekët ikën, vjen nata tjetër, hyrjet bëhen pas mesante dhe pas "punëve të mëdha" qefeve pa limite, hidhet dhe një 700-nçe tjetër, dite e re nafak e re…. dhe pa 3-4 dite ato nuk janë më 700 por ngjiten firifiu….mos të harrojmë biletat FirstClass, ushqimet nëpër restorante lluksi, blerjet e babzitura kur dalin jashtë shtetit tē tyre, dhe j'a sa na kushton një ministre që prej 30 vjetësh, e për cfarë?…ku jemi? Prej tyre kemi parë vetëm dëme, jemi po atje ku kemi qenë edhe më keq akoma…(!)

Mos është vallë e para kjo ministre që j'u prisni drejtësi nga një që hedh poshtë paratë e qytetarëve, ndërkohë, në shtetin më të fuqishëm të botës USA, një senator merr hotel 150-250  dollarëshe dhe atë në periferi të qytetit, pa makinë por shërbehet për të lëvizur nga një Uber me lekët e xhepit.

Mos vallë kjo është e vetme që hedh paratë e taksave të popullit në plehra kur ky popull nuk ka bukë të hajë ?!….dhe ju prisni kjo ministre të bëj drejtësi….(……)

Pse habitemi kaq shumë kur të gjithë politikanët bëjnë të njejtën gjë prej 30 vjetësh….kështu ka bërë partia e më parshme në pushtet, kështu po bëjnë edhe këta dhe kështu do të bëjnë edhe kush do të vij më pas nëse do jenë shqiptar, të cilët vetëm për shtet nuk mendojnë, por vetëm për një pushtet grabitës (e sigurt e padiskutushme)

Jam për gruan dhe e përkrah atë kur bënë të dobishmen, por ne nga kjo lloj fare gruaje deri tani nuk kemi. Gruaja politikane te ne kthehet në një vegël materiale, e babzitur akoma për një çantë dore 5000 euro, për një palë këpucë të markës, akoma mendon për një parfum të shtrenjtë dhe të n'drroj telefonin me këllëf floriri dhuruar nga këllëfat shefa që j'u rrinë lepe-peqe dhe nuk j'u rebelohen kurrë edhe kur i trajtojnë si biba dhe si qënie që vetëm duhet të urdhërohen.

Gruaja politikane shqiptare është kthyer në një maneken parlamenti qe mezi lexon shkronjat e alfabetit shqip, duke i shkallafitur ato me gërma italiane, angleze, franceze dhe ato të gjymtuara rëndë.

Pa perjashtim deri me sot nuk kemi parë një grua të mbathi këpucët sheshka dhe një pal xhinse e të marrshoi e të malngjitet drejt fshatrave ku qanë mjerimi me lotët e dhimbjes të nënave që venë femijën në gjumë pa bukë, ashtu thatë, pa asgjë, vetëm një copë bukë (janë fakte që çdo ditë denoncohen nga njerëz civile).

Janë këto gra që hyjnë në politikë vetëm të n'drrojnë lëkurën e ish-veshjeve të pazarit të Çamëve me Prada e Valentino, që deri dje i njihnin vetëm si emra njerëzish dhe jo fashion-company.

Jo, nuk jam me këto gra, i përbuz dhe i përçmoj, i denoncoj.Këto gra kanë humbur ndjesinë humane dhe atë të mëmësisë, ndjenjën e ushqimit gjinor, janë kthyer të gjitha në llaç e tulla, në pishina e Jahte, janë kthyer përsëprapthi nga një lëkurë njeriu, në një sholl shpirtërore dhe katile, ku varfërinë e qytetarit që i ka zgjedhur e shohin me sytë e djallit. Jo, nuk jam me këto gra, i neveris dhe i shpall nëna jo të denja, pasi edhe femijët e tyre i kanë kthyer në hunj gardhi mbrapa makinave dhe parave pa hesap, qefeve dhe parazitizmit.

Larg këtyre grave që poshtërojnë gjininë më hyjnore qe ka lindur njerëzimi, atë qënie mirësie dhe sakrifice, ndjeshmerie dhe force, ku vetëm humaniteti do ishte veshja më e shtrenjtë e saj.

Boston 24/8/ 2019