Ditën e tretë me radhë, Italia raportoi shifra rekord të rasteve të reja me koronavirus. Numri i të infektuarve më 25 dhjetor në Itali arriti në 54,762 njoftoi Ministria e Shëndetësisë.
Ndërkaq 141 persona vdiqën si pasojë e koronavirusit në Itali brenda 24 orëve, raporton ANSA.
Në njësitë e kujdesit intensiv në spitalet italiane, 106 raste të reja u pranuan gjatë së shtunës.
Numri total i pacientëve në kujdesin intensiv u rrit në 1,071.
Që nga shpërthimi i pandemisë në shkurt të vitit të kaluar, Italia regjistroi 136,530 vdekje të ndërlidhura me COVID-19 dhe shifra paraqet më të lartën në Evropë pas Britanisë ndërkaq në botë Italia renditet e nënta për nga numri i të vdekurve nga koronavirusi.
