Flori Mumajesi në një postim në profilin e tij në instagram ka ndarë me të gjithë ndjekësit një video, ku dëshmohet që këngët e tij dëgjohen e preferohen mjaft edhe jashtë kufijve.
Bëhet fjalë për këngën “Beautiful”, një bashkëpunim i verës së kaluar me reperin Ledri Vula, të cilën një çift i huaj ka zgjedhur ta ketë si këngë hapëse të dasmës.
Çifti bën disa lëvizje ‘të cmendura’ dhe spektakolare ndërsa shijon ritmin e muzikës. Kënga e titulluar Beautiful mund të jetë përzgjedhur nga të sapomartuarit, që i bashkohen të ftuarve të cilët po ‘shkunden’.
“I ka do lëvizje të mira ky lali. QUHET,” – shkruan Flori duke iu adresuar reperit.Ledri nuk vonoi që ti përgjigjej duke i thënë: ‘Hahaha me ja vjedh amigo.’
Ndërkohë, Flori po gëzon suksesin e këngës më të re, të titulluar Karma e cila po dëgjohet nga vende të ndryshme të botës.
