Një aksident i rëndë ka ndodhur në dalje të qytetit të Beratit.
Një automjet tip Wolsvagen Toureg, me targa AA 090 OL, duke hyrë në qytetin e Beratit ka ngatërruar rrugën dhe është përplasur ne betonin e Rotondos, duke përfunduar brenda rreth-rrotullimit.
Në vendngjarje kanë shkuar forca të shumta policie,që janë duke punuar për zbardhjen e shkaqeve të aksidentit.
Paraprakisht mendohet se shkak për këtë aksident është bërë jo vetëm shpejtësia e madhe më të cilën ishte duke udhëtuar i riu por edhe mungesa e sinjalistikës rrugore dhe mungesa e ndriçimit në këtë aks.
Drejtuesi i mjetit dhe pasagjeri janë transportuar drejt Spitalit Rajonal Berat, ku për shkak të plagëve dhe lëndimeve të marra ndodhen nën kujdesin e mjekëve.
