Komisioni i Disiplinës dhe Etikës në FSHF ka dënuar maksimalisht tifozët që shkaktuan akte dhune në megaderbin e futbollit shqiptar Tirana-Partizani, e vlefshme për javën e 15 të Superiores
14 tifozë nuk do të lejohen të futen më në asnjë stadium të Shqipërisë për një periudhë të pakufizuar kohe njofton FSHF.
“Pasi u njoh me relacionin e Sekretariatit Teknik, korrespondencën me policinë e shtetit lidhur me aktet e dhunës në ndeshjen KF Tirana – FK Partizani të zhvilluar më datë 03.12.2023, ku janë konstatuar shkelje të parashikimeve ligjore të nenit 48 e vijues të Ligjit 79/2021 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE
VENDOSI:
Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të më poshtëm:
· Denis Ahmeti
· Renis Maçi
· Qemal Cano
· Endri Mesiti
· Juxhin Seferi
· Mishel Burreli
· Redi Sinan
· Erinol Dushaj
· Grejsi Sorra
· Lorjan Beqo
· Elvis Qatia
· Herald Huqi
· Donald Ismaili
· Armand Shëngjergji
Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi. Një kopje e këtij vendimi do t`i përcillet Policisë së Shtetit”, thuhet në njoftimin e FSHF-së.
