Kryeministri Edi Rama ka reaguar në lidhje me situatën e krijuar sot në Shkodër, ku protestuesit sulmuan godinën e selisë së PS ku shkatërruan thuajse gjithçka.
Përmes një postimi në Twitter, kreu i qeverisë e shigjeton këtë protestë si partiake, pasi iu drejtohet prindërve demokratë dhe opozitarë.
“Uroj shumë dhe besoj fort se nuk ka prind demokrat e opozitar që ta pranojë këtë abuzim ekstrem me kalamajtë të udhëheqësve pa atdhe, pa din e as iman, pa shpirt e as tru, të kësaj opozite të mjerë në boshllëkun e saj moral dhe karakterin e saj kriminal! Mos i harroni këto kurrë! Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme!”, shkruan Rama.
