19 nëntor 2015 – Një superaksion është ndërmarrë nga Policia e Shtetit në bashkëpunim me Prokurorinë duke goditur një grup kriminal prej 35 personash, të cilët shpërndanin lëndë narkotike, heroinë dhe kokainë në kryeqytet.

Operacioni i gjerë i koduar “Epilog” është ndërmarrë në zonat më të frekuentuara të kryeqytetit, i cili u zhvillua pas gjashtë muajsh hetimesh.

Hetimet e Antidrogës së Tiranës dhe Prokurorisë kanë zbardhur mekanizmin se si këta persona funksionin midis tyre si një kartel, nga furnizuesit me lëndë narkotike, përpunuesit deri te shpërndarësit.

Si rezultat i operacionit “Epilog”, i cili është ende në vazhdim, janë ndaluar, arrestuar, proceduar dhe shpallur në kërkim në total 35 persona, ku në mesin e 26 të arrestuarve janë edhe dy vajza, 31-vjeçarja Sonila Dinoshi dhe 28-vjeçarja Aurora Liço, e dënuar edhe më parë për të njëjtën vepër penale. Ndërsa një vajzë tjetër 27 vjeçe, me iniciale E.B., është proceduar në gjendje të lirë së bashku me 4 persona të tjerë.

Nga hetimi ka rezultuar se të arrestuarit dhe personat e shpallur në kërkim kanë vepruar në disa zona të Tiranës, si “Shkolla e Bashkuar”, rruga “5 Maji”, “Tirana e Re”, rruga “Fortuzi”, Laprakë dhe zona e ish- Bllokut.

Për një periudhë 2- vjeçare mendohet se ky grup ka shpërndarë lëndë narkotike me vlerë tregu rreth 900 mijë euro. Policia sekuestroi 1.5 kg heroinë, 180 doza kokainë, 1 pistoletë “Zastava”, 150 fishekë, 10 makina, 10 mijë euro dhe 30 celularë. Gjatë orëve të vona u arrestua edhe një prej të kërkuarve, shtetasi Julian Bushati, i cili u kap në Durrës.

25 personat e arrestuar nga Policia e Tiranës:

1. Halil Sallaku, 47 vjeç, lindur në Kukës e banues në Tiranë

2. Gëzim Demiri, 40 vjeç, lindur në Kavajë, dhe banues Tiranë

3. Sonila Dinoshi, 31 vjeçe, lindur e banuese në Tiranë

4. Astrit Beka, 43 vjeç, lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike”

5. Alfred Naço, 50 vjeç, lindur në Lushnjë e banues në Tiranë

6. Toni Naço, 18 vjeç, lindur në Athinë banues në Tiranë

7. Spartak Piciri, 47 vjeç, lindur e banues në Tiranë, më parë për veprën penale të “Prodhimit dhe shitjes së lëndëve narkotike”

8. Sali Sallaku, 20 vjeç, lindur në Krumë, Has e banues në Tiranë

9. Indrit Sallahu, 20 vjeç, lindur në Has, Krumë dhe banues në Tiranë

10. Rudolf Kallbaqi, 32 vjeç, lindur në Durrës e banues në Tiranë, i dënuar me parë për veprën penale të “Prodhimit dhe shitjes së lëndëve narkotike”

11. Bledi Çarçani, 43 vjeç, lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike”

12. Dardan Jaku, 31 vjeç, lindur në Kukës e banues në Tiranë

13. Dardan Prengzi, 30 vjeç, lindur në Tropojë e banues në Tiranë

14. Atrias Çizmja, 20 vjeç, lindur në Krujë e banues në Tiranë

15. Alkan Markaj, 27 vjeç, lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike”

16. Evis Dalanaj, 38 vjeç, lindur në Kavajë, i dënuar më parë për veprën penale të “Plagosjes së rëndë”.

17. Aurora Liço, 28 vjeçe, lindur në Korçë dhe banuese në Tiranë, e dënuar më parë për veprën penale të “Prodhimit dhe shitjes së lëndëve narkotike”

18. Donard Belaj, 33 vjeç lindur dhe banues në Tiranë

19. Haki Belaj, 42 vjeç, lindur dhe banues në Tiranë

20. Eni Malaj, 26 vjeç, lindur dhe banues në Tiranë,

21. Igli Muhameti, 22 vjeç, lindur dhe banues në Tiranë, i dënuar më parë për “Armëmbajte pa leje”

22. Gentian Xhelili, lindur në Tepelenë dhe banues Tiranë

23. Elis Mali (Sefa), 35 vjeç, lindur në Përmet dhe banues në Tiranë

24. Elsi Rroshi, 32 vjeç, lindur në Gramsh dhe banues në Tiranë.

25. Aldo Leka, 23 vjeç, lindur në Bulqizë dhe banues në Tiranë

5 personat e proceduar në gjendje të lirë:

1. E. B., 27 vjeçe, lindur dhe banuese në Tiranë

2. I. Ll., 31 vjeç, lindur dhe banues në Tiranë

3. M. G., 27 vjeç, lindur në Itali dhe banues përkohësisht në Tiranë

4. A. O., 24 vjeç, lindur në Librazhd dhe banuese në Tiranë

5. R. M., 22 vjeç, lindur në Pukë dhe banues në Tiranë

5 personat e shpallur në kërkim:

1. R.D, 21 vjeç, lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike”

2. A.Gj, 35 vjeç, lindur në Milot e banues në Tiranë

3. E.M, 24 vjeç, lindur e banues në Tiranë

4. B. J., lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike”

5. M.A., lindur e banues në Tiranë, i dënuar më parë për veprën penale të “Prodhimit dhe shitjes së lëndëve narkotike” .

/portali DurresLajm/