Policia e Shtetit në Shkodër ka sekuestruar 109 kg lëndë narkotike, të llojit Cannabis sativa, dhe ka arrestuar në flagrancë një shtetas, si edhe ka shpallur në kërkim dy të tjerë. Në pranga ka rënë 38-vjeçari Gj. Q., banues në Grudë të Re, ndërsa janë shpallur në kërkim 61-vjeçari K. K. dhe djali i tij 18-vjeçar S. K. Tre shtetasit në fjalë akuzohen për prodhim dhe shitje të lëndëve narkotike.