Mbetet i vrarë një person me të meta mendore, në Shkodër, ndërkohë që uniformat blu kanë shoqëruar autorin, një plak 76-vjecar. Ngjarja ka ndodhur mbrëmë, në orët e vona të natës, në fshtin Shtoj i Ri, dhe, sipas të gjitha gjasave, ka ndodhur nga pakujdesia. Burimet zyrtare policore sqarojnë se viktima N. B., 55 vjec, ishte qëlluar me armë gjahu nga N. V., 76 vjec. Hetimet kanë treguar se viktima kishte tentuar të hynte në shtëpinë e N. V., dhe ky i fundit, pa e ditur se kush ishte, ka hapur zjarr.