Shkollat që do të rindërtohen nga BE, bashkia Durrës zhvillon të premten një dëgjesë publike

Drejtorë shkollash, mësues, prindër, por edhe qytetarë ftohen nga bashkia Durrës të marrin pjesë në një dëgjesë publike për objektet arsimore që do të rindërtohen dhe që do të rikonstruktohen, pjesë e programit EU4Schools, financim i BE.

Bëhet fjalë për godinat arsimore; shkolla 9-vjeçare “Eftali Koçi”, shkolla e mesme sportive “Benardina Qerraxhi”, shkolla e mesme “Olsi Lasko” dhe çerdhja nr. 3.

Dëgjesa publike do të zhvillohet ditën e premte (8 tetor), në orën 11.00, në ambientet e Pallatit të Kulturës “Aleksandër Moisiu”, Durrës.

Bashkia njofton se gjatë dëgjesës do të paraqiten projektet përfundimtare të zgjedhura nga dëgjesat publike të zhvilluara në objektet arsimore përkatëse.

Prej gati dy vitesh, këto institucione arsimore janë të mbyllura, pasi akt-ekspertizat e thelluara të Institutit të Ndërtimit i ka vlerësuar si godina për t’u shembur, sepse dëmet e shkaktuara nga tërmeti kanë qenë të konsiderueshme.