Rëndohet bilanci i ekzekutimit në Athinë ku një person ka qëlluar të dielën në mbrëmje drejt dy shtetasve me kombësi shqiptare.

Mediat greke raportojnë se si pasojë e plagëve të marra në pjesën e kraharorit ka humbur jetën edhe shqiptari tjetër, i cili ishte i ulur në një tavolinë me viktimën e parë në momentin e ngjarjes.

Ndërkohë që gruaja e cila ka mbetur e plagosur si pasojë e atentatit, mësohet se është 35 vjeçe.

Kamerat kanë kapur se autori, një person me kapuç, para se të hapte zjarr në tavolinën jashtë kafenesë, ku ishin ulur 41-vjeçari dhe 44-vjeçari shqiptar, kishte ecur në sheshin “Smyrni duke “skanuar” zonën.

Media greke Protothema shkruan se autori ka qëlluar plot pesë herë. Dyshohet se ngjarja ka ndodhur për larje hesapesh.