Dy shtëpi janë djegur plotësisht ditën e sotme në Gramsh. Sipas informacioneve paraprake, dyshohet se shkak i rënies së zjarrit është bërë një shkëndijë elektrike.
Ngjarja e rëndë ka ndodhur në fshatin Kabash, rreth 30 km larg nga qyteti i Gramshit. Rënia e një shkëndije në një nga katet e banesës ka bërë që e gjithë godina të përfshihet nga flakët.
Zjarri ka djegur plotësisht të gjitha orenditë shtëpiake, ndërkohë që forcat zjarrfikëse kanë bërë të mundur neutralizimin e flakëve.
Bashkia e Gramshit ka premtuar të ndihmojë vëllezërit Lici, pronarët e banesave të dëmtuara, për rikuperimin e dëmeve.
