20 efektivë të policisë kanë përfunduar në spital, për shkak të një zjarri që kishte rënë në një ndërtesë.
Sipas "KlanKosovës", shërbimet e policisë në Prishtinë dhe ata të zjarrfikëses shkuan në rrugën "Hajdar Dushi", pasi u njoftuan për një zjarr që kishte rënë në një ndërtesë.
Dy gra u dërguan në spital për ndihmë mjekësore, për shkak të asfiksimit nga tymi. Fatmirësisht ato janë jashtë rrezikut për jetën. Flakët e mëdha bënë gjithashtu që të paktën 20 efektivë të paraqiteshin në spital me probleme shëndetësore.
Mbeten të paqarta arsyet e rënies së këtij zjarri, ndërsa autoritetet atje kanë nisur hetimet.
