Një aksident me vdekje ka ndodhur dje në Durrës, ku ka humbur jetën një grua 72 vjeçe.
“DurrësLajm” mëson se aksidenti ka ndodhur te zona pranë Mauzoleumit të Dëshmorëve, ku viktima me iniciale H.K., banuese në Durrës, u përplas nga një makinë që drejtohej nga një grua e moshës 61 vjeçe, me iniciale M. Xh., banuese po në Durrës.
E moshuara u transportua në spital,por fatkeqësisht nuk arriti dot t’i mbijetojë plagëve të marra.
Ndërkohë, Sektori i Qarkullimit Rrugor arrestoi në flagrancë drejtuesen e automjetit.
