Të dyshuarit dyshohet se kanë organizuar transportin e të paktën një mijë emigrantëve të paligjshëm që nga viti 2021, duke fituar të paktën 1 milion euro.
Policia çeke ka njoftuar ditën e sotme se ka shkatërruar një rrjet ndërkombëtar të dyshuar për kontrabandimin e emigrantëve nga Turqia në Evropën Perëndimore.
Dyshohet se ata kanë organizuar transportin e të paktën 1000 emigrantëve të paligjshëm që prej vitit 2021, duke fituar rreth 1 milion euro nga aktiviteti i paligjshëm.
Në pranga përfunduan gjithsej 14 shtetas, kombësitë e të cilëve nuk janë zbuluar, ndërsa këta të fundit përballen me 16 vite burg nëse dënohen për veprat që akuzohen.
Emigrantët e paligjshëm kryesisht nga rajonet e Lindjes së Mesme kanë përdorur Çekinë si një vend tranzit në rrugën e tyre për në Perëndim.
