13 maj 2015 – Policia e Durrësit ka arrestuar në flagrancë 31-vjeçarin Elvis Mona, i cili ishte shpërndarës heroine në zona të ndryshme të qytetin të Durrësit.

Mona u kap në flagrancë ditën e djeshme më 12 maj, nga Specialistët për Narkotikët në Drejtorinë e Policisë Durrës, pas një hetimi 1 mujor në bashkëpunim me Prokurinë e Rrethit Gjyqësor Durrës.

Burime të policisë bëjnë të ditur se gjatë kontrollit që u bë në banesën e 31-vjeçarit nga Durrësi, iu gjet dhe iu sekuestruan në cilësinë e provës materiale:

•Rreth 120 gramë lëndë narkotike e dyshuar të llojit heroinë,

•Rreth 4.5. gramë kanabis sativa,

•Mjeti ‘Fiat Punto’ me targë AA 023 FL,

•2 aparate telefoni celularë.

Elvisi tashmë akuzohet për veprën penale “Trafikimi i narkotikëve”.

/S.L. agjencia e lajmeve “Dyrrah”/