Një prototip i raketës Starship nga kompania SpaceX pësoi një shpërthim të papritur të mërkurën në mbrëmje në ambientet e testimit në Starbase, Teksas. Raketa, e njohur si Anija 36, ishte planifikuar të përdorej për testimin e dhjetë fluturues të programit Starship, por shpërtheu gjatë një kontrolli rutinë të motorëve në tokë.
Autoritetet lokale bënë me dije se nuk ka raportime për të lënduar, ndërsa protokollet emergjente u aktivizuan menjëherë. Një hetim zyrtar është në proces për të zbuluar shkaqet e incidentit.
Sipas raportimit të ValleyCentral, shpërthimi tronditi banorët e Qarkut Cameron, të cilët dëgjuan një zhurmë të fuqishme dhe panë ndriçim të pazakontë në ambientet e tyre.
Media amerikane ‘Daily Beast’ e ka cilësuar këtë incident si pjesë të një serie dështimesh që kanë shoqëruar përpjekjet e kompanisë së Elon Musk për të zhvilluar raketën gjigante Starship. Kujtojmë se fluturimi i nëntë provë, që ndodhi pak ditë para përfundimit të mandatit të Musk në një rol këshillimor në administratën Trump, gjithashtu rezultoi i pasuksesshëm.
