Një shpërthim me tritol ka ndodhur gjatë orëve të mesnatës në fshatin Zallë të Fushë-Krujës.
Në portën e jashtme të banesës së një familje shpërtheu një sasi tritoli duke shkaktuar panik te banorët.
Fatmirësisht nuk ka patur të lënduar, por vetëm dëme materiale.
NJOFTIMI I POLICISË:
Krujë/Informacion paraprak
Më datë 05.11.2021, rreth orës 00:56, tek porta e rrethimit të jashtëm të banesës së shtetasit E. H, në fshatin Zallë, Fushë-Krujë, ka plasur një sasi e vogël dyshohet lëndë plasëse.
Për pasojë është dëmtuar vetëm porta e rrethimit të jashtëm të banesës.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin e kapjen e autorit.
