Dy personat që ideuan përdorimin e sprajit nga gjyqtarët në ndeshjet e futbollit kërkojnë arrestimin e presidentit të FIFA-s Xhani Infantino dhe disa zyrtarëve të tjerë të lartë të futbollit.
Haine Alemanje dhe Pablo Silva kanë paditur FIFA-n dhe kërkojnë dëmshpërblim më shumë se 36.5 milionë euro, por mbi të gjitha arrestimin e disa krerëve të futbollit botëror. Të dy personat pretendojnë se FIFA ka manipuluar autorësinë e prodhimit të sprajtit.
“Po presim vendimin e Gjykatës Braziliane. Do të kërkojmë arrestimin e Xhani Infantinos dhe disa personave të tjerë”, deklaroi Pablo Silva për median spanjolle “AS”.
Ata pretendojnë se FIFA ka autorizuar përdorimin e këtij spraji nga gjyqtarët, por duke ndryshuar markën, gjë për të cilën Alemanje dhe Silva pretendojnë se u është vjedhur ideja e tyre.
Kjo çështje pritet të shkojë dhe në gjykatat e SHBA-së.
