Shqipëria dhe Greqia nuk kanë rrjet hekurudhor që të lidhen mes tyre, por një gjë e tillë duket se do të ndodhë së shpejti. Qytetarët e dy shteteve kufitare do mund të udhëtojnë së shpejti me tren.
“Do të jetë një linjë hekurudhore, gjurmë e re e cila është Pogradec-Korçë-Kapshticë e deri në hyrje të territorit grek” , – shprehet Erjola Muka nga MIE.
Ndërkohë sinjale pozitive vijnë edhe nga Fondi i Investimeve në Ballkanin Perëndimor për nisjen e punimeve në Durrës-Rrogozhinë.
“Korridori 8 lidh detin Adriatik me Detin e Zi dhe kalon përmes Shqipërisë, Maqedonisë së veriut dhe Bullgari dhe ka një rëndësi të madhe gjeo-straegjike pasi përshkon tre shtet anëtare të NATO-s”, – shton Muka.
Teksa një sërë projektesh hekurudhore janë në zhvillim, linja Tiranë-Durrës dhe degëzimi i ri drejt aeroportit të Rinasit do të jetë e para që do të përfundojë dhe do të nisë operimin.
“Punimet në këtë linjë kanë arritur në volumin e 80%, ndërsa së shpejti do të nisin punimet për ndërtimin e 10 stacioneve të rinj që do të shtrihen në të gjithë pjesën e kësaj linje”, – tha Muka.
Aktualisht në vend gjatësia e rrjetit hekurudhor në shfrytëzim është rreth 224 km. Në funksion janë linjat hekurudhore, Durrës – Librazhd, Gjorm – Kufi dhe Durrës – Kashar.
