Nga Xhovalin Delia, piktor, Itali 

Mos u skandalizoni nga titulli i shkrimit not politi-cally correct, por le të reflektojmë e të reagojmë  të gjithë ndaj titullarëve të korrupsionit, të krimit  e të degradimit etik, moral e politik. Në këto 21  vjet Shqipëria ka ndryshuar shumë, por shqiptarët  kanë mësuar pak. 

Ajo që nuk ka ndryshuar është  demokracia. Ka mbetur po ajo foshnja gjytyryme  e viteve nëntëdhjetë. Nuk është rritur, as pjekur,  përkundrazi, ka degraduar si e ëma, Partia Demokratike, të cilës demokratike i ka mbetur vetëm emri.  Ç’është Partia Demokratike? 

Ishte pjella e shpresës  shqiptare për liri e demokraci, për ligj e drejtësi,  për një jetë më të mirë. Sot është partia personale,  e bindur dhe e pangopur e Sali Berishës. Po kush  është Berisha? Ishte doktori intelektual, të cilin shqiptarët e besuan dhe e zgjodhën si prijës për liri  e demokraci. 

Nga ana tjetër e llogores është Partia Socialiste, që ka përvjelë mëngët për të rilindur  Shqipërinë. Po kush është Partia Socialiste? PS-ja  është mbesa e PKSH-së, e cila lindi si shpresa shqiptare për liri, barazi e vëllazërim, e bija e PPSH-së, e cila na përçau me luftë klasash e na gjunjëzoi  me varfëri e mjerim. 

Sot PS-ja është partia më e  re e më moderne shqiptare. Nga Partia Socialiste  postkomuniste e Punës, PS-së së sotme i ka mbetur emri e simboli formalisht, por realisht, Rama e  ka rinuar, pastruar nga rraqet e vjetra, e reformuar  në një format socialdemokrat, sipas vizionit të tij,  të ngjashme me Edin. 

Po kush është Edi Ramaë  Edi ishte artisti modern, ambicioz, antikonformist  me vizion, kryebashkiaku që eksperimentoi një ide  për të bukurën “me ngjyra” në politikë, (Tirana sot  është dëshmia artistike e preludi i tij politik). Sot i  takon sovranit ta gjykojë për atë  ç’ka ai ka bërë, ç’ka ai është, dhe ta  çmojë për atë çfarë ai premton se  do të bëjë si rilindës kryeqeveritar. 

Kush më mirë se ju e di sa demokrat  është Saliu e sa socialist është Edi,  sa antikomunist është njëri e sa komunist është tjetrië! Po t'i vini në  kandar, do të vini re se diferenca  midis dy kandidatëve në garë është  evidente. Më evidentja është “higjiena” e tyre politike. 

Doktori ka 21  vjet gjel kryetar: në parti, presidencë e qeveri, pozitë e  opozitë, “këmishë politike” kjo, që shqiptarët e mbajnë  veshur që nga rënia e diktaturës. Merret me mend sa  e dobishme është për higjenën e shëndetin e politikës,  të demokracisë e të doktorit vetë. 

Megjithatë është  e drejta e sovranit ta mbajë akoma në shtat apo ta  hedhë te të palarat këtë “këmishë politike”, tashmë  të dalë boje e tejet të konsumuar. A nuk është ky  një motiv për t’u ndërruarë  Një tjetër kualitet, jo më pak evident se higjiena  politike, është fakti që Edi është ndryshe nga të  gjithë politikanët e radhës. 

Natyrisht që të qenurit  “ndryshe” nuk është garanci matematike për ndryshim, por është probabilitet logjik për të ndryshuar.  E treta e vërteta, Edi Rama para se të jetë politikan  është artist intelektual me vizion.  Nga ky stad i lartë Edi ka “zbritur” në politikë me një objektiv të  qartë: për të ngritur kulturën, politikën e Shqipërinë më lartë. 

Nisur  nga fakti se mungesa e një vizioni  kulturor, politik, ekonomik është  e para ndër arsyet e shumta, që  demokracia shqiptare nuk rritet,  a nuk është edhe ky një tjetër  motiv për të besuar tek projekti  vizionar, “Rilindja 2013”ë  E katërta dhe më e rëndësishmja është identiteti i  Edi Ramës. 

Para se të jetë artist, intelektual, politikan e kandidat për kryeministër Edi është njeri.  Gjatë viteve që artisti intelektual ka hipur në ske-nën politike çfarë nuk është thënë, shkruar, fantazuar, spekuluar e abuzuar, për Edin si individ e  për familjen e tij. Edi Rama është shqiptar, që e  do Shqipërinë e shqiptarët.

Dëshmi për këtë është  fakti që ai la mënjanë “luksin” artistik, braktisi Parisin, u kthye në Shqipëri, u zhyt në llumin politik e  filloi të pastrojë, rikonstruktojë e pikturojë qytetin  e tij, kryeqytetin tonë. Një performancë e paparë  artistike, urbane, politike, çuditërisht e çmuar nga  bota dhe e injoruar e përçmuar nga shqiptarët që  po e gëzojnë! (nemo profeta in patria!ë!). 

Edi është  çun Tirone, nip Jugu, (Vlorë) i Shqipërisë së mesme,  (Durrës) e i Veriut, (Shkodër). Bir i një familjeje me  mbiemër mysliman, djali i dy prindërve ortodoksë  (laik & ateist), nip i Veronikës katolike, rritur në një  shtëpi me njerëz të thjeshtë e të shkolluar, shtruar  në tavolinë me zogistë, komunistë e antikomunistë,  edukuar e formuar në një familje si familja e madhe shqiptare “heterogjene”, ku kanë bashkëjetuar  e bashkëjetojnë në paqe e harmoni, myslimanë, ortodoksë, bektashinj e katolikë, Jug e Veri, zogistë,  revolucionarë e reaksionarë, kulakë, demokratë,  ballistë e komunistë. 

Një fëmijë i temperuar në një  atmosferë të tillë familjare, nuk mund të jetë tjetër  veçse një burrë i pjekur, tolerant, i hapur, racional,  e qytetar i drejtë. A mishërohen tek Edi Rama këto  cilësië Vetëm Edi mund të na e konfirmojë pasi të  vijë në qeveri. Le ta provojmë! 

Të provosh për të ndryshuar nuk është gabim, përkundrazi, një komb që nuk  beson tek e reja, vë në dyshim të ardhmen e tij. Le  t’ia besojmë Shqipërinë artistit ideator reformator  siç ia besuam doktorit liberator 21vjet më parë!

/Shekulli/