12 mars 2015 – Armando Curri vlerësohet me medalje ari nga Parlamenti farncez. Ai është vlerësuar si një nga praktikantët më të mirë në Francë. Por, i kërcënuar me dëbim nga ky vend, emigranti shqiptar fillimisht u largua nga një ceremoni në Dhomën e Lartë të Parlamentit, përpara se organizatorët ta vinin dorën në zemër, e të ndryshonin mendje. Si rezultat ai u lejua të marrë pjesë në dhënien e çmimit në Senat, në Paris, ku mori medaljen e fituesit. Curri i kishte bindur organizatorët që t’i jepnin një mundësi, ndërsa ai po hidhte hapat e parë në zdrukthtari.
19-vjeçari ka shkuar në Francë në mënyrë ilegale para tre vjetësh. Në atë kohë, autoritetet vendase ia mundësuan qëndrimin, për shkak se ai ishte i mitur. Me kalimin e viteve, ai u bë ndër nxënësit më të mirë në vend, por kjo nuk e ndaloi urdhrin për dëbimin e tij, një vit më parë. Çështja është ende në shqyrtim dhe aktualisht atij i është dhënë një leje qëndrimi për tre muaj, kohë e mjaftueshme për të nxitur më shumë ëndrrat e tij për të ardhmen dhe për të bindur gjykatën franceze t’ia mundësojë qëndrimin në këtë vend.
/agjencia e lajmeve "Dyrrah"/
