Një ngjarje e rëndë ka ndodhur këtë të hënën në Mikonos të Greqisë, ku një 34-vjeçar shqiptar është vrarë me armë zjarri.
Mediat vendase raportojnë se shqiptari, identiteti i të cilit nuk bëhet ende i ditur, u vra nga një 33-vjeçar grek. Shkak është bërë një zënkë që kanë pasur për një vajzë.
Sipas asaj që shkruajnë mediat, pas sherrit, 33-vjeçari grek ka shkuar në shtëpi, ka marrë një armë dhe është kthyer në lokalin ku ndodhej shqiptari dhe e ka qëlluar me plumb në kokë.
Autori është arrestuar menjëherë nga policia. Ai ndodhet në gjendje të rënduar për shkak edhe të konsumimit të lartë të alkoolit.
Ngjarja ndodhi në një lokal në zonën e Skylabela-s rreth orës 06:00 të mëngjesit.
