Ka përfunduar shtrimi me asfalt i rrugës “Mbreti Gjin” në lagjen 13 në plazh.
Përmes një postimi në rrjetet sociale kryetarja e bashkisë së Durrësit, Emirian Sako thotë se rehabilitimi i kësaj rruge i shërben banorëve të zonës dhe se janë kryer punime në 900 metra katror sipërfaqe duke lehtësuar levizjen e makinave.
“Rehabilitimi dhe mirëmbajtja e infrastrukturës rrugore është pjesë e punës sonë të përditshme.”,- shkruan Sako.
Postimi i Sakos:
Punojmë çdo ditë në shërbim të qytetarëve.
Një tjetër rrugë e rehabilituar që i shërben banorëve të zonës. Përfunduam shtrimin me asfalt të rrugës “Mbreti Gjin” në lagjen 13 në plazh. Janë kryer punime në 900 metra katror sipërfaqe duke lehtësuar levizjen e mjeteve.
Rehabilitimi dhe mirëmbajtja e infrastrukturës rrugore është pjesë e punës sonë të përditshme.
