Kronika e famshme e transmetuar nga BBC, 68 vjet më parë, tregonte se si makaronat e gatuara spaghetti po kultivoheshin në pemë nga një familje zviceriane. Ky lajm, i përgatitur nga gazetari britanik Richard Dimbleby, u bë kaq i besueshëm për publikun britanik, falë tonalitetit serioz të zërit të tij. Në atë kohë, spaghetti ishte një gatim i panjohur për shumë britanikë, dhe për disa kohë ata e besuan lajmin. Megjithatë, më vonë u kuptua se ishte një shaka, pasi ishte transmetuar më 1 Prill, dita e njohur botërisht për gënjeshtra.
Ky incident është vetëm një nga shumë të tjerë që kanë formuar traditën e gënjeshtrave të 1 Prillit në mediat britanike. Përshtypje të tilla vazhduan për shumë vite, si lajmi i 2014 nga “The Guardian”, që thoshte se skocezët do të ndryshonin krahun e lëvizjes me automjete në të djathtë, në rast se rajoni shkëputej nga Britania, ose një vit më pas, shaka ekskluzive nga “The Sun” që njoftonte se lideri i opozitës, Ed Milliband, ishte bërë biond. Këto shaka kanë qenë pjesë e traditës së kësaj dite, duke pasuruar humorin dhe argëtimin e publikut.
