Na ndajnë rreth 3 javë nga finalja e “Big Brother VIP” që do mbahet më 5 maj. E mes zërave të shumtë, është aluduar se ajo do zhvillohet në stadiumin “Air Albania”.
Lidhur me këtë ka folur së fundmi regjisori Eduart Grishaj. Në një intervistë në “Top Albania Radio”, ai u pyet nëse do të zhvillohet vërtetë finalja e madhe e “Big Brother VIP” tek stadiumi Air Albania apo janë thjesht fjalë dhe aludime.
“Ne jemi si ato skuadrat që i marrim ndeshjet njëra pas tjetrës nuk kalojmë direkt tek finalja. Për ne është shumë e gjatë rruga deri në finale. Finalja do të jetë e jashtëzakonshme, do të jetë fantastike. Do t’ju jepet mundësia edhe njerëzve për të qenë sa më afër finales, do të jetë diçka shumë madhështore, por do t’i marrim ndeshjet me rradhë.“-tha ai.
